Juni 05, 2020
BY Mtwara Mikindani Manispaa0
Comments
Ijumaa, 5 Juni 2020
Jumanne, 16 Januari 2018
Januari 16, 2018
BY Mtwara Mikindani Manispaa0
Comments
Muonekano wa ndani wa jengo la machinjio ya Chuno baada ya kufanyiwa ukarabati kwa kutumia fedha za mapato ya ndani
Na Jamadi Omari
Katika kuhakikisha
kuwa Manispaa Mtwara-Mikindani inaendelea kuboresha huduma za Jamii kwa
Wananchi wake, imetoa na kutumia fedha kiasi cha shilingi milioni 834,074,361.79 kutoka
katika mapato yake ya ndani Kutekeleza miradi mbalimbali
ya Maendeleo, kuchangia mfuko wa Wanawake na Vijana pamoja na ulipaji fidia kwa
wananchi.
Akizungumza Ofisini
kwake mkurugenzi wa Manispaa Mtwara-Mikindani Bi Betarice Dominic amesema kuwa fedha
ni mapato yatokanayo na kodi mbalimbali zinazolipwa na Wananchi na hivyo Manispaa
imeona umuhimu wa kuzirudisha kwao ili kuimarisha miundombinu mbalimbali
inayowagusa moja kwa moja.
Amesema kuwa Miradi
iliyopelekewa fedha imegusa sekta mbalimbali zikiwemo sekta ya elimu, Utawala,
Ufugaji na Uvuvi,Barabara,Afya pamoja na Kilimo. Aidha amewashukuru na kuwapongeza
Wananchi wa manispaa kwa kutekeleza wajibu
wao wa kulipa kodi na kuwataka kuwa na utamaduni huo ili kuijenga Manispaa
iliyo bora na yenye kuonekana.
Jengo la mwalo wa Mikindani lililopo Kata ya jangwani likiwa kwenye hatua ya umaliziaji
Kwa upande wake Afisa
Mipango wa Manispaa Ernest Mwongi amesema kuwa fedha zote zilizotolewa zimeshapelekwa
kwenye Akaunti za miradi husika na kuna miradi mingine imeshatekelezwa na kukamilika,
na miradi mingine ipo kwenye hatua ya utekelezaji
na kwamba idara ya mipango inahakikisha inaifuatilia kwa
ukaribu miradi iliyobaki ili iweze kukamilika kwa wakati.
Ameitaja Miradi
inayotekelezwa kulingana na fedha iliyotolewa ni pamoja na Mradi wa ujenzi wa zahanati Mbawala chini, UKarabati wa
Machinjio, Ujenzi wa matundu ya vyoo Shule ya Msingi Mbae na Mtawanya, Ujenzi
wa Vyoo Shule za Msingi Mjimwema,
Shangani na Mlimani.
Miradi mingine ni Ujenzi
wa Kalvati Miseti, Ununuzi wa pikipiki 5 kwa ajili ya watendaji wa Kata,
Ununuzi wa gari la Mkurugenzi, Ujenzi wa Uzio Ofisi kuu ya Manispaa, Ujenzi wa Shedi mwalo
wa samaki Mirumba, Ununuzi wa gari la kufagia barabara pamoja na Ujenzi wa
nyumba za Wakuu wa Idara.
Fedha hizo vilevile zimeelekezwa katika Ujenzi
wa Ofisi ya Kata Mtawanya na Tandika, Umaliziaji wa ujenzi Ofisi ya Kata
Jangwani, Ujenzi wa choo soko la kiyangu, Ujenzi wa nyumba za walimu Namayanga,
Ujenzi wa soko la Mitengo, Uandaaji na ununuzi wa miche ya Korosho, Ununuzi wa
mbegu za Mtama, uwekaji wa nguzo na minyororo barabara ya TANU, Ujenzi wa vyumba
vya madarasa 3 Shule ya Sekondari Mitengo na Mangamba, Pia Utengenezaji wa
madawati na uwekaji wa Taa Stendi kuu ya mabasi.
Sehemu ya uzio wa jengo la ofisi kuu,ujenzi huo unaendelea
Asha Mapesa mkazi wa
Chuno amepongeza Manispaa kwa kazi wanayoifanya ya kuleta maendeleo na kuahidi
kutoa ushirikiano kwenye kulinda rasilimali hizo kwa manufaa yao na vizazi
vijavyo.
Baada ya kufanya
Mapitio ya bajeti 2017/2018 mwezi Desemba 2017, Manispaa Mtwara-Mikindani
imepanga kukusanya bilioni 4,601,204,136 kutoka katika mapato yake ya ndani,
Hadi Desemba 31,2017 Manispaa imekusanya bilioni 2,720,578,528 sawa na asilimia
59 ya bajeti iliyopangwa.
Ujenzi wa matundu ya vyoo Shule ya Msingi Mtawanya ukiwa kwenye hatua za umaliziaji
Jumatano, 3 Januari 2018
Januari 03, 2018
BY Mtwara Mikindani Manispaa0
Comments
Jengo la nyumba ya mganga
Na
Jamadi Omari
Manispaa ya Mtwara-Mikindani Hadi kufikia
Disemba 31,2017 imefikisha asilimia 93 ya ujenzi wa miundombinu ya afya katika
kituo cha afya likombe na kugharimu
kiasi cha fedha shilingi milioni 326,457,759.18
kati ya milioni 500 zilizotolewa na Serikali kuu kwa ajili ya ujenzi wa miundombinu
hiyo.
Asilimia 7 iliyobaki
inatarajia kukamilika baada ya wiki mbili kuanzia Januari 1,2018 na kwamba hadi
kukamalika kwa mradi huo Manispaa imekadiria kutumia milioni 400 na kubakiwa na
shlingi milioni 100 zitakazotumika katika ujenzi
na ukamilishaji wa miundombinu mingine katika kituo hiko ikiwemo
ukarabati wa jengo La OPD , Ujenzi wa choo cha wagonjwa wanaokuja kutibiwa
kwenye kituo hicho ambacho kitagharimu Shilingi milioni 15.
Akizungumza kwenye
ziara ya ukaguzi wa maendeleo ya ujenzi wa mradi huo iliyofanyika Januari
1,2018 kati ya Timu ya ukaguzi kutoka Ofisi ya Mkuu wa Mkoa Mtwara na Timu ya
Menejiment ya halmashauri Mkurugenzi wa Manispaa Bi Beatrice R. Dominic amesema
kuwa Ujenzi wa mradi wa miundombinu ya afya unaendelea vizuri na kwa gharama inayoridisha.
Akielezea kuhusu mikakati
iliyotumika katika ujenzi huo hadi kupelekea kukisia kubakiwa na fedha
zilizotajwa Beatrice amesema kuwa Ofisi yake imetii agizo la Serikali lililotaka mradi huo kujengwa
kwa kutumia mafundi wenyeji ambao wametoa
gharama za ujenzi zilizo halisi na kazi imekuwa nzuri,na kwamba kila jengo
amepewa fundi mmoja na vibarua wake.
Ameongeza kuwa Menejimenti
ya halmashauri ilikubaliana vifaa vyote vya ujenzi vinunuliwe viwandani ikiwemo
mabati,Gypsum,Tiles,rangi,cable za umeme na vifaa vingine ili kuweza kupunguza gharama na vifaa vichache
vilinunuliwa kwenye eneo la Manispaa pamoja na mafundi waliojenga majengo hayo.
Aidha amesema kuwa
mradi umefikia hapo kwa kuwa kulikuwa na umakini mkubwa kwenye usimamizi na
kwenye kufanya makadirio Lakini pia
ushirikiano ulikuwa mkubwa kati ya timu ya halmashauri na Timu ya uendeshaji wa
kituo.
Nae Katibu Tawala
Msaidizi Mipango na Uratibu kutoka Ofisi ya Mkuu wa Mkoa Mtwara Duncan Thebas amepongeza Manispaa kwa kazi nzuri
iliyofanyika na kwamba inadhihirisha maamuzi sahihi ya Serikali ya kuikomboa
Tanzania kwa kutumia mafundi wenyeji kwenye ujenzi wa miundombinu hiyo. Aidha
amepongeza ujenzi wa njia za kupita(walk way) ambayo kwenye maelekezo ya mradi
haikuwepo lakini Manispaa imeona umuhimu wa kujenga .
Jengo la wodi ya Mama na Mtoto
Kaimu Mganga Mkuu wa
Manispaa DR.Christa Nzali ameishukuru Serikali kwa kuleta fedha hizo kwani kukamilika
kwa majengo hayo kutasaidia kutatua changamoto zinazowakabili ikiwemo kupunguza
vifo vya akina mama na watoto, kupunguza msongamano wa wagonjwa katika
hospitali ya Mkoa.
Wakati huo huo Fundi aliyepewa
kazi ya ujenzi wa Wodi ya Mama na Mtoto Athumani
Bandiko ameishukuru Serikali kwa kuwapatia kazi ya ujenzi kwani imewapa nafasi
ya wao kuonesha uwezo wao kama mafundi wadogo lakini pia imesaidia kutengeneza
ajira kwa vijana. AIdha ameiomba Serikali iwaamini na iendelee kuwapa kazi
katika majengo mengine.
Manispaa Mtwara-Mikindani Oktoba 13,2017 ilipokea
fedha kiasi cha shilingi 500 kutoka Serikali kuu kwa ajili ya ujenzi wa
miundombinu ya afya katika Kituo cha afya Likombe, Miundombinu iliyojengwa ni
pamoja na Wodi ya Mama na Mtoto, Maabara, Chumba cha kulaza Maiti, Chumba cha
Kufulia nguo, Kichomea taka pamoja na ujenzi wa Nyumba ya Mganga.
Timu ya Ukaguzi kutoka Ofisi ya Mkuu wa Mkoa na Timu ya Menejiment wakiwa kwenye picha ya pamoja baada ya kumaliza ukaguzi
